ಪ್ರೀತಿ ಪಾತ್ರ-ದಶರಥ ಪುತ್ರ

ದಶರಥನ ನಂದನನೇ ಶ್ರೀ ರಾಮ
ತೋರಿಹನು ಪ್ರಜೆಗಳಿಗೆ ನೀತಿ ನಿಯಮ
ಆಗಿಹನು ಈ ಜಗಕೆ ಜಪನಾಮ
ಲೋಕೋದ್ಧಾರಕನಾಗಿಹನು ಈ ರಘುರಾಮ

ರಾಮ ನಾಮದಿ ಈ ಜಗಕೆ ಬೆಳಕ
ಪ್ರತಿಕ್ಷಣ ನೆನೆಯಲು ಮನದಲ್ಲಿ ಪುಳಕ
ಹಚ್ಚುವೆವು ಹಣೆಯ ಮೇಲೆ ನಿನ್ನ ತಿಲಕ
ಪಾವನವಾಗುತಿರಲು ಈ ಜೀವನವೇ ಸಾಥ೯ಕ

ಕೌಸಲ್ಯೆ ಯ ಪ್ರೀತಿ ಪುತ್ರನಾಗಿ ಬೆಳೆದೆ
ಸೀತೆಯ ಪ್ರಾಣ ಸಖನಾಗಿ ಉಳಿದೆ
ಪಿತೃ ವಾಕ್ಯ ಪರಿಪಾಲಕ ನೀನಾದೆ
ರಾಜ್ಯದಲಿ ಭ್ರಷ್ಟತೆಯ ನೀ ನೀಗಿದೆ

ಸೀತೆಯ ಹುಡುಕಲು ರಾಮ ಲಕ್ಷ್ಮಣರ ಪರದಾಟ
ಹನುಮನಿಗೆ ರಾಮನ ಹೇಸರೆ ಉಸಿರಾಟ
ರಾವಣನಿಗೆ ದೇವಮಾನವನ ಜೊತೆ ಹೆಣಗಾಟ
ಕಪಿ ಸೈನ್ಯ ಮಾಡಿತು ರಾಮನಿಗೋಸ್ಕರ ಹೋರಾಟ

ಜನರು ಬೇಡುತಿಹರು ರಾಮರಾಜ್ಯ
ಪುಸ್ತಕದಲ್ಲಿರುವುದು ನಿನ್ನ ಪಾಠ ಪದ್ಯ
ನೀ ನೆಲೆಸಿರುವ ಪ್ರದೇಶವೇ ಅಯೋಧ್ಯೆ
ನೀನಾಗಿರುವೇ ಪ್ರತಿ ಜೀವರಾಶಿಗೂ ವಂದ್ಯ

ರಚನೆ: ಭಾಗ್ಯಶ್ರೀ ಶ್ರೀಶೈಲ ಸಂಬನ್ನವರ
ಎಂಕೆ ಹುಬ್ಬಳ್ಳಿ ಜಿ – ಬೆಳಗಾವಿ