ಹೊಳೆವ ಬೆಳ್ಳಿ ನಕ್ಷತ್ರ

ಸ್ವಾತಂತ್ರ್ಯ ಜ್ಯೋತಿ ಚೆನ್ನಮ್ಮ

ಕರುನಾಡಿನ ಕಾಕತಿಯ ಕೀರ್ತಿಕನ್ಯೆ
ದೇಸಾಯಿ ಧೂಳಪ್ಪಗೌಡರ ಪುತ್ರಿ
ಕತ್ತಿ ವರಸೆ ಕುದುರೆ ಸವಾರಿ ನಿಪುಣೆ
ಕಿತ್ತೂರರಸನ ಕಿರಿಯ ಪತ್ನಿ ಚೆನ್ನಮ್ಮ

ಚೆಂದದ ಅಂದದ ರಾಣಿ ಚೆನ್ನಮ್ಮ
ನೊಸಲಿಗೆ ವಿಭೂತಿ ಧರಿಸಿದ ಅಮ್ಮ
ತಲೆತುಂಬ ಸೆರಗಿನ ಸಂಸ್ಕಾರದವ್ವ
ಹಸಿರುಬಳೆಗಳ ಸಂಸ್ಕೃತಿಯ ಅಮ್ಮ

ಗಂಡುಗಚ್ಚೆ ಹಾಕಿ ಹೋರಾಡಿದಳು
ಗಂಡುಗಲಿ ವೀರ ರಾಣಿ ಚೆನ್ನಮ್ಮ
ಗಂಡಸರ ಗುಂಡಿಗೆ ನಡುಗಿಸಿದಳು
ರಣಚಂಡಿಯಂತೆ ರುಂಡಾಡಿದಳು

ದತ್ತಕವಿರುದ್ಧದಆಂಗ್ಲರಮಣಿಸಿದಳು
ಬಲಗೈ ಬಂಟ ಸಂಗೊಳ್ಳಿ ರಾಯಣ್ಣ
ಅಮಟೂರು ಬಾಳಪ್ಪ ಕೂಡಿದರಣ್ಣ ಕಚೇರಿ ಸುಡುತ ಥ್ಯಾಕರೆನಕೊಂದರಣ್ಣ

ಈಸ್ಟ್ ಇಂಡಿಯ ಕಂಪನಿ ಸುಟ್ಟರು
ಸುರಿಯಿತು ಸ್ವಾತಂತ್ರ್ಯಕಿಚ್ಚಿನ ಮಳೆ
ಭಾರತದ ಹೆಮ್ಮೆಯ ಪ್ರಥಮ ಮಹಿಳೆ
ಮೊಳಗಿಸಿದಳು ಕರ್ನಾಟಕದ ಕಹಳೆ

ಮಲ್ಲಪ್ಪಶೆಟ್ಟಿ ವೆಂಕಟರಾವ ದುರುಳರ
ವಂಚನೆ ಮೋಸತನದಿಂದ ವೀರರು
ಕಿತ್ತೂರು ಸಂಸ್ಥಾನದ ರಾಣಿಯರು
ಚೆನ್ನಮ್ಮ ವೀರಮರಣವನಪ್ಪಿದರು

ಕಿತ್ತೂರು ಕೋಟೆಯ ಮೇಲಿನ ಧ್ವಜ
ಹೇಳುತಿದೆ ಕೈ ಮಾಡಿ ಕರೆಯುತಿದೆ
ಕಿತ್ತೂರ ಕಣ ಕಣ ಇಂದು ಸಾರುತಿದೆ
ಹೆಣ್ಣು ಎಂದೂ ಅಬಲೆಯಲ್ಲ ಸಬಲೆ

ಅನ್ನಪೂರ್ಣ ಸಕ್ರೋಜಿ ಪುಣೆ