ದೇವರು ಇದ್ದಿದ್ದರೆ ನಮಗಾಗಿ ಏನು ಹೇಳುತ್ತಿದ್ದ ನಿಮಗೆ ಗೊತ್ತೇ.???

ದೇವ ವಾಣಿ 

ದೇವ_ವಾಣಿ_1
ಸಂಕೇತದ ಬಟ್ಟೆಗಳೆನಗೆ ಬೇಕಿಲ್ಲ,
ಭಕ್ತಿ ಒಂದಿದ್ದರೆ ಸಾಕು.

ದೇವ_ವಾಣಿ_2
ಎನ್ನ ಬಣ್ಣಿಸುವ ಮಂತ್ರಗಳು ಬೇಕಿಲ್ಲ,
ಬವಣೆಗಳು ನಿನಗಿರದಿದ್ದರೆ ಸಾಕು.

ದೇವ_ವಾಣಿ_3
ಪ್ರಸಾದ, ಅಭಿಷೇಕ ಎನಗೆ ಬೇಕಿಲ್ಲ,
ಇರುವುದು ನೀ ಹಂಚಿ ತಿಂದರಷ್ಟೇ ಸಾಕು.

ದೇವ_ವಾಣಿ_4
ಹೂವು ಪತ್ರಿಗಳೆನಗೆ ಬೇಕಿಲ್ಲ,
ಸದಾ ಉಲ್ಲಾಸ ನಿನಗಿದ್ಧರೆ ಸಾಕು.

ದೇವ_ವಾಣಿ_5
ದೀಪ ಧೂಪದ ಹೊಗೆ ಎನಗೆ ಬೇಕಿಲ್ಲ,
ಧೀಮಂತನಾಗಿ ನೀ ಬದುಕಿದರೆ ಸಾಕು.

ದೇವ_ವಾಣಿ_6
ಭಿನ್ನ , ವಿಭಿನ್ನ ಮತಗಳೆನಗೆ ಬೇಕಿಲ್ಲ,
ಒಮ್ಮತದಿ ನೀ ಬಾಳಿದರೆ ಸಾಕು.

ದೇವ_ವಾಣಿ_7
ಓಲೈಕೆಯ ನಾದಗಳೆನಗೆ ಬೇಕಿಲ್ಲ,
ಮನದಿ ಸ್ಮರಿಸಿದರೆ ಸಾಕು.

ದೇವ_ವಾಣಿ_8
ಮತಾಂಧದಿ ನಿಮ್ಮೊಳು ಕಚ್ಚಾಟ ಬೇಕಿಲ್ಲ,
ಸಹಮತದಿ ನಡೆದರೆ ಸಾಕು.

ದೇವ_ವಾಣಿ_9
ಮನುಜ ಮನುಜನ ಕೊಲ್ಲುವುದೆನಗೆ ಬೇಕಿಲ್ಲ,
ಮನುಷ್ಯತ್ವ ಉಳಿಸಿದರಷ್ಟೇ ಸಾಕು.

ದೇವ_ವಾಣಿ_10
ನಿತ್ಯ ಪೂಜೆ ಎನಗೆ ಮಾಡಬೇಕಿಲ್ಲ,
ಅನ್ನ ಕೊಡುವ ಭೂತಾಯಿಯ
ಪೂಜಿಸಿದರೆ ಸಾಕು.

ದೇವ_ವಾಣಿ_11
ನಾನೇ ಇರುವೆ ಸೃಷ್ಟಿಯ ಭೂಮಿಯಲ್ಲಿ.
ಅದೇ ನಿಜವಾದ ದೇವರು ಜೀವಿಗಳ ಪಾಲಿಗೆ.

✍ಡಾ ಮಹೇಂದ್ರ ಕುರ್ಡಿ