ಹುಣ್ಣಿಮೆಯ ಬಣ್ಣದೋಕುಳಿ

ಎಲ್ಲರಿಗೂ ಶುಭವನ್ನು ಹಾರೈಸುವ ರಂಗಿನ ಹಬ್ಬ
ಬಣ್ಣ ಬಣ್ಣಗಳ ಎರಚುವ ಬಣ್ಣದ ಹಬ್ಬ
ಹಿರಿ ಕಿರಿಯರ ಖುಷಿಯ ಓ ಕುಳಿಯ ಹಬ್ಬ
ಕಾಮಣ್ಣನ ಮಕ್ಕಳ ಸಂಭ್ರಮದ ಹೋಳಿ ಹಬ್ಬ

ಎಲ್ಲರಿಗೂ ಬಣ್ಣ ಹಚ್ಚುವ ಸಂಭ್ರಮವು
ಕೆಲವರಿಗೆ ಬಣ್ಣದಿಂದಲೇ ಹೊಯ್ದಾಟವು
ಹಲವರಿಗೆ ಅದರಿಂದಲೇ ಸಂಚರಿಸಲು ಗಾಬರಿಯು
ಇನ್ನೂ ಕೆಲವರಿಗೆ ವರ್ಣದ ವಿಕಾರದ ಮುಖವು

ಮನದಲ್ಲಿರುವ ಕಹಿ ಭಾವ ಓಡಿಸಿ
ಕಷ್ಟ ಕಾರ್ಪಣ್ಯಗಳ ದೂರವೇ ಉಳಿಸಿ
ಹೊಸ ಕನಸುಗಳ ಮೈಗೂಡಿಸಿ
ಓಕಳಿ ಆಡೋಣ ಎಲ್ಲರೂ ಸನ್ಮತಿಸಿ

ಎಲ್ಲರೂ ದಹಿಸೋಣ ಸ್ವಾರ್ಥ ದರ್ಪದ ಮನವ
ಒಗ್ಗೂಡೋಣ ಎಲ್ಲಾ ಸಂಸ್ಕಾರಯುತ ಮನೆತನವ
ಜಗದೆಲ್ಲೆಡೆ ಹರಡಲಿ ಹುಣ್ಣಿಮೆಯ ಕಾಂತಿಯ ಪ್ರಖರವ
ಕಳೆಯಲಿ ಮನದ ಮನೆಯ ಕತ್ತಲೆಯ ಬಾವವ

✍️ ರವೀಂದ್ರ. ಸಿ.ವಿ., ವಕೀಲರು, ಮೈಸೂರು