ಮಕ್ಕಳೇ ಬಣ್ಣ ಬಣ್ಣ ಈ ಜೀವ

ಬಣ್ಣ ಬಣ್ಣದ ಅಂಗಿ ತೊಟ್ಟು
ಖುಶಿ ಖುಶಿಯಲಿ ಮನಸ್ಸಿಟ್ಟು
ಓಡಾಡುವರಿಂದು ಮಕ್ಕಳೊಟ್ಟು

ಬೇಸರಿಕೆ ಆಕಳಿಕೆ ಆಲಸ್ಯಗಳ ಜಾಡ್ಯವು
ಓದು ಬರೆಹಗಳಿಗೆ ವಿಶ್ರಾಂತಿ ಮಾನ್ಯವು
ತುಂಟತನ ಅಪಹಾಸ್ಯಗಳ ತೊರೆವ ಸುದಿನವು
ಇಂದು ಶಾರದಾಂಬಾ ಪೂಜೆಯ ಫಲವು

ಓದಿದರೆಷ್ಟು ಬಿಟ್ಟರೆಷ್ಟು ಎಂದುಕೊಳ್ಳದಿರಿ
ಪಾರತಂತ್ರ್ಯ ಬದುಕಿಗೆ ಎಡೆಯಾಗದಿರಿ
ಜ್ಞಾನಾಭಿವೃದ್ದಿಯ ಮಾಡಿಕೊಳ್ಳಿರಿ
ಸರಸತಿಯ ಆಶೀರ್ವಾದ ಪಡೆದುಕೊಳ್ಳಿರಿ

ದುಷ್ಟತನ ದುರಾಚಾರ ಅಜ್ಞಾನಗಳು ಮರೆಯಾಗಲಿ
ಪ್ರೀತಿ ಒಗ್ಗಟ್ಟು ಸಹಬಾಳ್ವೆಯು ಜೀವನದಲಿರಲಿ
ಭವಿಷ್ಯದ ಕಲ್ಪನೆಗಳು ಅಂದ ಚಂದವಾಗಿರಲಿ
ಕಲಿಸಿದ ಗುರುಗಳ ಬುದ್ದಿ ಮಾತು ಕಿವಿಯಲಿರಲಿ

ಅಶಾಂತ ಅಸಭ್ಯ ವರ್ತನೆಗಳು ದೂರ ಸರಿಯಲಿ
ಶಾಲೆ ದೇವಾಲಯ ಗುರು ಪುಸ್ತಕ ದೇವರು ಮಕ್ಕಳೆಲ್ಲ ಪೂಜಾರಿಗಳಾಗಲಿ
ಹಳಸಿದ ಕೊಳಕಿನ ಭಾವನೆಗಳು ಚಿವುಟಿರಲಿ
ಭವಿಷ್ಯ ಸಂಪೂರ್ಣತೆಯ ವಿದ್ಯಾ ಬುದ್ದಿಯ ಹಂದರವಾಗಲಿ

ಸುಳ್ಳು ಮೋಸ ವಂಚನೆ ಬೆನ್ನಾಗದು
ಸತ್ಯ ಸೌಂದರ್ಯಗಳ ಮುಖವೆಂಬುದು
ಬಾಳಿನ ಸಹನೆ ಸರಳತೆಯು ಸರಿದ ಪರದೆಯದು
ಅವಶ್ಯವಿದೆ ಅರಿವಾಗಬೇಕಿದೆ ಮುಂದುವರಿದು ಭಾರತ ದೇಶದ
ಪುಣ್ಯ ಮಾನವರಾಗಿ ಬಾಳಬೇಕಿದೆ
ಮಾನವತೆಯೇ ಬದುಕಿನ ಶ್ರೇಷ್ಠ
ತಿರುಳು ನಡೆ ನುಡಿಯಾಗಬೇಕಿದೆ

ಕಲ್ಪನಾಅರುಣ