ಶ್ರೀಮಾರಿಕಾಂಬೆ
***********
ಕಲ್ಯಾಣಪುರ ವಾಸಿನಿ ಮಾರಿಕಾಂಬೆ
ಕರುಣದಿಂದ ಎಮ್ಮನು ರಕ್ಷಿಸಮ್ಮ
ಸಹ್ಯಾದ್ರಿ ಶಿಖರದ ಸುತ್ತಲೂ ನಿನ್ನಯ
ಪ್ರಭೆಯ ಶಕ್ತಿಯು ಹರಡಿತಮ್ಮ ll

ಸೋಂದೆಯ ಸದಾಶಿವರಾಯರೇ
ಸ್ಥಾಪನೆಗೈದಿಹ ಶ್ರೀದೇವಿಯೆ
ಭಕ್ತರ ಹರಸುತ ಭಕ್ತಿಗೆ ಒಲಿದಿಹೇ
ನಂಬಿದೆ ನಿನ್ನನು ಮಾರಿಕಾಂಬೆ ll

ಮಹಿಮೆಯ ಸಾರುವ ಶಿರಸಿಯ ಮಾತೆಯು
ಕಣ್ಮನ ಸೆಳೆಯುವ ಜಾತ್ರೆಯು
ಕನ್ನಡ ನಾಡಿನ ಹಿರಿಮೆಯ ಸಾರುತಲಿ
ಭಕ್ತಬಾಂಧವರ ರಕ್ಷಣೆಯು ll

ಮನಸಲಿ ತುಂಬಿದ ಭಕ್ತಿಯ ಭಜನೆಯು
ಹಲವಾರು ನಾಮವು ನಿನಗಮ್ಮ
ಸರ್ವಶಕ್ತಿ ರೂಪಿಣಿ ನಮ್ಮನು ಪಾಲಿಸಮ್ಮ
ಶಿವಮ್ಮ ಜಯಮ್ಮ ಜಗದಮ್ಮ ll

✍️. ಬಿ ಉದನೇಶ್ವರ ಪ್ರಸಾದ್ ಮೂಲಡ್ಕ