ಲಂಬೋದರ
*********
ಲಂಬೋದರನೆ ಅಂಬಾಸುತನೆ
ವಿದ್ಯೆಗೆ ಅಧಿಪತಿ ಗಣಪತಿಯೆ
ವಿನಾಯಕನೆ ಅಭಯದಾಯಕ
ಬುದ್ಧಿಯ ಕೊಡುವ ಸಿದ್ಧಿವಿನಾಯಕ ll

ನಂಬಿದೆ ನಿನ್ನನು ಗಜಮುಖನೆ
ಇಂಬನು ನೀಡುತ ಕರುಣೆಯ
ತೋರುತ ಕರುಣದಿ ಪೊರೆಯೊ
ಕರಗಳ ಮುಗಿಯುತ ಬೇಡುವೆನು ll

ಸುಂದರ ರೂಪನು ಏಕದಂತನೆ
ವಂದಿಸುವೆ ಆದಿಲಿ ಜಗದೊಡೆಯ
ಚಂದದಿ ಪಾಲಿಸು ಶಂಕರ ತನಯ
ಬಂದೆನು ನಿನ್ನಯ ಸನ್ನಿಧಿಗೆ ll

ಮೋದಕ ಪ್ರಿಯನೇ ವಿಶ್ವವಂದಿತ
ಮೂಷಿಕ ವಾಹನ ಗಜಾನನ
ಬಾಗುವೆ ಶಿರವನು ಬೇಡುವೆನು
ವರವನು ಕರುಣಿಸು ಹೇ ದೇವಾ ll

✍️ ಬಿ ಉದನೇಶ್ವರ ಪ್ರಸಾದ್ ಮೂಲಡ್ಕ