ಶ್ರೀರಾಮ

ಉದಿಸಿದನು ಪ್ರಭುರಾಮ ಭಾರತದ ಹೃದಯದೊಳು
ಶ್ರೀ ರಕ್ಷೆ ನೀಡುತಲಿ ಧರ್ಮವನು
ಕಾಯುತಲಿ
ಅಯೋಧ್ಯೆಯಲಿ ನೆಲೆಸಿಹನು ನಾಗರಿಕರ ಮನೆ ಮನಗಳಲ್ಲಿ
ರಾಮಮಂದಿರದ ಕನಸಿಗೆ ಹೂಹಾರವಿಟ್ಟಿಹನು ರಘುರಾಮನು

ದಶರಥ ಕೌಸಲ್ಯೆಯರ ಪುತ್ರ ಶ್ರೀರಾಮ
ಸೀತಾಮಾತೆಯ ಇನಿಯ ಶ್ರೀ ರತ್ನ
ಲವಕುಶರ ಪಿತನಿವನು ಕೋದಂಡರಾಮ
ಹನುಮಂತ ನಿಷ್ಟೆಯು ಹೇರಾಮ ರಾಮ

ನಡೆಯಿತು ಕೋಲಾಹಲ ಹಾಲಾಹಲದ ಹೋರಾಟ
ಕೋಮು ಗಲಭೆಯ ವಿಷಾನಿಲ ನೋಟ
ಕೊನೆಗೊಮ್ಮೆ ಸಾಧ್ಯವಾಯಿತು ರಾಮಮಂದಿರದ ಒಕ್ಕೂಟ
ಬೆಳಗಲಿದೆ ಬಾಲರಾಮನ ವೈಶಿಷ್ಟ್ಯ
ಮುನ್ನೋಟ

ಉದಿಸುತಿದೆ ಭಕ್ತಿ ಶೃದ್ದಾ ಭಾವನೆಯೊಳು ಶ್ರೀರಾಮ ಮಂದಿರ
ರೋಮಾಂಚನ ಕುತೂಹಲಗಳಲಿ
ಪ್ರಾಚೀನ ರಾಮಾಯಣ
ಶ್ರೀರಾಮ ರಾಮ ಜಪಕುಸುಮ ಬಾಯೊಳಗೆ ಜ್ಯೋತಿಯು ಬೆಳಗಿದೆ ಹೃದಯದೊಳಗೆ
ಪವಿತ್ರರಾಷ್ಟ್ರದ ಆದರ್ಶಪುರುಷೋತ್ತಮನ ಲೀಲೆ
ಸಭೀಕ್ಷತೆಯ ಆಶ್ರಯ ನೀಡಲೆಮಗೆ

– ಕಲ್ಪನಾಅರುಣ, ಬೆಂಗಳೂರು