ಮೋಹನ ರಾಗ
**********
ಮೋಹನ ರಾಗದಿ ಕೊಳಲನು ನುಡಿಸುವ
ವಸುದೇವ ನಂದನ ಗೋವಿಂದ
ಮುರಳಿಯ ನಾದವ ಕೇಳುತ ಬಂದವು
ಗೋವುಗಳೆಲ್ಲವು ಖುಷಿಯಲ್ಲಿ ll

ಕೃಷ್ಣನ ಆಟವು ನೋಡಲು ಚಂದವು
ನಾಟಕವೆಂಬಾ ರಂಗದಲಿ
ಕಷ್ಟವ ಕಳೆಯಲು ಅವನೇ ಇರುವನು
ನಿತ್ಯವು ಭಕ್ತಿಯು ತುಂಬಿರಲಿ ll

ಗಿರಿಯನು ಎತ್ತಿದ ಕೇಶವ ಮಾಧವ
ಕರದಲಿ ಪಿಡಿದನು ಶಂಖವನು
ಗೋವನು ಕಾಯುವ ಗೋಪಬಾಲನು
ಪಾರ್ಥನ ಸಾರಥಿ ಮುಕುಂದನು ll

ರಚನೆ , ಬಿ ಉದನೇಶ್ವರ ಪ್ರಸಾದ್ ಮೂಲಡ್ಕ.
ರಾಗಸಂಯೋಜನೆ ಗಾಯನ
ಶ್ರೀಮತಿ ಸುಮಂಗಲ ಸುರೇಶ್ ಬೆಂಗಳೂರು