ಎಳ್ಳು ಬೆಲ್ಲ ಹೂರಣ

ಎಳ್ಳು ಬೆಲ್ಲ ಹೂರಣ ಸಂಕ್ರಾಂತಿ
ಚಳಿಗಾಲದ ಸಂಭ್ರಮ ಶುಭ ಸಂಕ್ರಾಂತಿ
ಸುಗ್ಗಿ ಕಾಲದ ಹಿಗ್ಗು ಸಂಕ್ರಾಂತಿ
ಹೊಸಬೆಳೆಯ ಸವಿಖಾದ್ಯ ಮೆಲ್ಲುವ ಸಂಕ್ರಾಂತಿ
ಹಂಚಿಕೊಂಡು ಉಂಡು ಸುಖಪಡುವ ಸಂಕ್ರಾಂತಿ

ಶೇಂಗಾ ಎಳ್ಳು ಬೆಲ್ಲ ಕೊಬ್ಬರಿ
ಕುಸುರೆಳ್ಳು ಮಿಶ್ರಣವು ಹಬ್ಬಕ್ಕೆ
ತಯಾರಿ
ಪಾಯಸ ಹೋಳಿಗೆ ಚಿತ್ರಾನ್ನ
ತರಾವರಿ
ಹೊಲದಲಿ ಬುತ್ತಿಯು ಭೋಜನ ಭೂರಿ
ಆಟೋಟಗಳು ಗೋಪೂಜೆ
ರೈತರ ಸವಾರಿ

ದೇವಾಲಯಗಳಲಿ ಅಲಂಕಾರ
ವಿಶೇಷ ಸಿದ್ಧತೆ
ತಳಿರು ತೋರಣ ನೈವೇದ್ಯಕೆ ಆದ್ಯತೆ
ಸಂಕ್ರಾಂತಿಯಲಿ ಸ್ನೇಹ ಸಮ್ಮಿಲನ ಆಪ್ತತೆ
ಸಿಹಿ ನಯವು ದೇಹಕೆ ಸಂಪೂರ್ಣತೆ
ವರುಷ ವರುಷವೂ ಸೂರ್ಯ ಪಥ ಶೋಭಿತೆ

ಸಂಕ್ರಾಂತಿ ಹಬ್ಬವು ಸೌಂದರ್ಯ
ಬೀರುವದು
ಹೆಂಗಳೆಯರ ಮೈಮನವು ಅರಳಿ ಬೆಳಗುವದು
ಜ್ಯೋತಿಯಲಿ ದ್ವೇಷಾಸೂಯೆ
ಕಿಡಿ ತೊಡೆಯುವದು
ಜಗವು ಹೊಸಕಾಂತಿ ಹೊರಸೂಸಿ ಕ್ರಾಂತಿಗಿಳಿಯುವದು
ಸಂಕ್ರಾಂತಿ ಜೀವನದ ಬದಲಾವಣೆಯ ಸೂಚಿಸುವದು

ಕಲ್ಪನಾ ಅರುಣ
ಬೆಂಗಳೂರು