ಹರಿಹರ ಸುತನೆ
***********
ಹರಿಹರ ಸುತನೆ ಗಣಪತಿ ಸೋದರ
ಸ್ವಾಮಿಯೇ ಶರಣಂ ಅಯ್ಯಪ್ಪ
ನಂಬಿದೆ ನಿನ್ನನೆ ಕುಮಾರ ವಂದಿತ
ಶಬರಿಗಿರೀಶನೆ ಅಭಯವ ನೀಡೆಯಾ
ಸ್ವಾಮಿಯೇ ಶರಣಂ ಅಯ್ಯಪ್ಪ
ಶರಣಂ ಶರಣಂ ಅಯ್ಯಪ್ಪ ll

ಪಂದಳ ಕುವರನೆ ಭಕ್ತರ ಪಾಲಕ
ಸುಂದರ ರೂಪನೆ ಅಯ್ಯಪ್ಪ
ಚಂದದಿ ಕುಳಿತಿಹೆ ರಾಜ್ಯವ ತೊರೆದು
ವಂದಿಸುವೆ ಆದಿಲಿ ಗಣಪತಿಗೆ
ಬಂದಿಹೆ ನಿನ್ನನು ನೋಡುವ ತವಕದಿ
ತಂದೆನು ಅಭಿಷೇಕಕೆ ತುಪ್ಪವನು ll

ಮಾಲೆಯ ಹಾಕಿ ವ್ರತವನು ಮಾಡಿದೆ
ಏರಿದೆ ಹದಿನೆಂಟು ಮೆಟ್ಟಿಲನು
ಕಾಡುಮೇಡನು ದಾಟುತ ಬಂದೆನು
ಸತ್ಯದ ಪಥವನು ತೋರುವೆಯಾ
ಭಕ್ತಿಯಿಂದಲಿ ನಾಮವ ಭಜಿಸುವೆ
ಮುಕ್ತಿಯ ಕರುಣಿಸು ಓ ಪ್ರಭುವೇ ll

ರಚನೆ: ಬಿ ಉದನೇಶ್ವರ ಪ್ರಸಾದ್ ಮೂಲಡ್ಕ