ಭಾವಗೀತೆ
“”'”‘”””‘
ಇಬ್ಬನಿ ಕರಗಿದ ಮಂಜಲಿ
ನಂದನ ವನದಿ ರವಿತೇಜ ರಂಜಿಸಿ
ಬಣ್ಣದೋಕುಳಿಯ ರಂಗವಲ್ಲಿ ಚೆಲ್ಲಿ
ಮುರುಳಿ ಮಾಧವನ ನಾದ ಲಹರಿಗೆ
ಮನವರಳಿ ಭಾವ ಧಾರೆಯಲಿ
ಒಲವಿನ ಕರೆಗೆ ಮೊರೆಹೋದಳಾ ರಾಧೆ

ತರುಲತೆಗಳು ಶೃಂಗಾರದಿ ತೂಗುತ
ಬನದಿ ಪುಷ್ಪಗಳ ಅನಾವರಣ
ಮುಕುಂದನ ಮನದಿ ಕಾಪಿಟ್ಟು
ಅಂತರಂಗದಿ ನಲಿವ ಸುನಾದ
ಕೃಷ್ಣನ ಪ್ರೇಮಕೆ ಕಾತರಿಸಿ ಕಾದಳಾ ರಾಧೆ

ಅಡಿಗಡಿಗೆ ಸುಗಂಧದ ಹೂಮಳೆ ಕರೆಯಲಿ
ಉದ್ಯಾನದಿ ತೂಗುಯ್ಯಾಲೆಯಲಿ ವಿಹರಿಸುತ
ರಾಧ ಕೃಷ್ಣನ ಪ್ರೇಮ ಲೀಲೆಗೆ
ಮೇಘಗಳ ಹನಿ ಹನಿ ಸಿಂಚನ
ಸ್ನೇಹದ ಕಡಲಲ್ಲಿ ಮೀಯುತ
ಮಾಯಾವಿ ಕೃಷ್ಣನ ಪ್ರಿಯಲತೆ
ತೆರೆಮರೆಯಲಿ ಮೌನದಿ ಕಾದಳಾ ರಾಧೆ

Yashoda ramakrishna