“ಸಾಹಿತ್ಯ ಸೌರಭ” ಪ್ರಶಸ್ತಿಗೆ ಭಾಜನರಾಗಿರುವ ವಿಶ್ವಾಸ್ ಡಿ. ಗೌಡ

ಕೋಡಿಹಳ್ಳಿ ಪ್ರತಿಷ್ಠಾನ ತಿಳವಳ್ಳಿ ಪ್ರಥಮ ವರ್ಷದ ವಾರ್ಷಿಕೋತ್ಸವದ ಪ್ರಯುಕ್ತ ಕರ್ನಾಟಕ ರಾಜ್ಯ ಬರಹಗಾರರ ಸಂಘ ಹೂವಿನಹಡಗಲಿ ಇವರ ಸಂಯುಕ್ತ ಆಶ್ರಯದಲ್ಲಿ ಗಾನಯೋಗಿ ಡಾ. ಪಂಡಿತ ಪುಟ್ಟರಾಜ ಗವಾಯಿಗಳವರ ಜನ್ಮ ದಿನೋತ್ಸವ ಹಾಗೂ ವಿಶ್ವ ರಂಗಭೂಮಿ ದಿನಾಚರಣೆ ನಿಮಿತ್ತ ರಾಜ್ಯಮಟ್ಟದ ಪ್ರಶಸ್ತಿ ಪ್ರಧಾನ ಸಮಾರಂಭ ಕರ್ನಾಟಕ ಜಾನಪದ ಕಲಾ ಉತ್ಸವ 2024 ಈ ಶುಭ ಸಂದರ್ಭದಲ್ಲಿ ಕರ್ನಾಟಕ ರಾಜ್ಯ ಬರಹಗಾರರ ಸಂಘ ಹೂವಿನಹಡಗಲಿಯ ಸಕಲೇಶಪುರ ತಾಲ್ಲೂಕಿನ ಅಧ್ಯಕ್ಷರು, ಲೇಖಕರು, ಸಂಘಟಕರು, ಪತ್ರಕರ್ತರು, ಅಂಕಣಕಾರರು ಹಾಗೂ ಜೀವನಾಡಿ ಮಾಸಪತ್ರಿಕೆಯ ಉಪಸಂಪಾದಕರು ಆದ ಶ್ರೀಯುತ ವಿಶ್ವಾಸ್ ಡಿ. ಗೌಡ’ರವರಿಗೆ ಸಾಹಿತ್ಯ ಸೌರಭ ಪ್ರಶಸ್ತಿಯನ್ನು ನೀಡುತ್ತಿರುವುದು ನಮಗೆ ಸಂತಸವನ್ನು ತಂದಿದೆ ಎಂದು ರಾಜ್ಯ ಬರಹಗಾರರ ಸಂಘದ ಅಧ್ಯಕ್ಷರಾದ ಶ್ರೀಯುತ ಮಧುನಾಯಕ ಲಂಬಾಣಿ ಅವರು ಪತ್ರಿಕೆಗೆ ಹೇಳಿಕೆ ಕೊಟ್ಟಿದ್ದಾರೆ. ಪ್ರಶಸ್ತಿಗೆ ಭಾಜನರಾಗಿರುವ ವಿಶ್ವಾಸ್ ರವರಿಗೆ ಪೂಜ್ಯ ಮಾತಾಪಿತೃಗಳಾದ ನಾಗರತ್ನ ದೇವರಾಜೇಗೌಡ ರವರು, ಧರ್ಮಪತ್ನಿಯಾದ ಶ್ರೀಮತಿ ಎಂ. ಚೈತ್ರಾ ದೇವಿ ಆಂಗ್ಲಭಾಷ ಉಪನ್ಯಾಸಕಿಯರು, ಹಾಸನ ಜಿಲ್ಲಾ ಬರಹಗಾರರ ಸಂಘದ ಅಧ್ಯಕ್ಷರಾದ ಗೊರೂರು ಅನಂತರಾಜುರವರು, ದಿಟ್ಟ ನುಡಿ ಪತ್ರಿಕೆಯ ಸಂಪಾದಕರಾದ ದೊಡ್ಡಯ್ಯನವರು, ಜೀವನಾಡಿ ಪತ್ರಿಕೆಯ ಪ್ರಧಾನ ಸಂಪಾದಕರಾದ ಹಾಗೂ ವಿಶ್ವಾಸ್ ರವರ ಮಾವನವರಾದ ಡಾ. ಎಚ್ಎಸ್ ಮುದ್ದೇಗೌಡರವರು ಸ್ನೇಹಿತರು, ಹಿತೈಷಿಗಳು ಶುಭಕೋರಿದ್ದಾರೆ.