ಶ್ರೀಧರ ಸ್ವಾಮಿಗಳು
*************
ಸರ ಸರ ನಡೆದೆನು ಗುರುಗಳ ಕಾಣಲು
ಶ್ರೀಧರ ಸ್ವಾಮಿಯ ಆಶ್ರಮಕೆ
ಹರ ಹರ ಎನ್ನುತ ಭಜಿಸುವೆ ನಿತ್ಯವು
ಗುರುಗಳ ಅನುಗ್ರಹ ಪಡೆಯೋಕೆ ll

ಪಾವನ ತೀರ್ಥದಿ ಮೀಯುತ ಸೇವಿಸಿ
ಮಾಡಿದ ಪಾಪವ ಕಳೆಯುವೆನು
ನಿತ್ಯದಿ ಕರ್ಮವ ಬದುಕಲಿ ಪಾಲಿಸಿ
ವರದಾ ಹಳ್ಳಿಗೆ ಬಂದಿಹೆನು ll

ದರುಶನ ಪಡೆಯಲು ನಿಲ್ಲುವ ಭಕ್ತರು
ಸಾಲಲಿ ದೇವನ ಅನುಗ್ರಹವು
ಸಾಗರ ಹತ್ತಿರ ಬಂದರೆ ಸಿಗುವುದು
ಶ್ರೀಧರ ನೆಲೆಸಿಹ ಆಶ್ರಮವು ll

ಭಕ್ತಿಯ ಕರೆಯನು ಆಲಿಸಿ ಬರುವನು
ಇಷ್ಟದಿ ನೆನೆದರೆ ಭಗವಂತ
ಭಕ್ತರ ಜೊತೆಯಲಿ ಸ್ವಾಮಿಯು ಇರುವರು
ಭಜಿಸುವೆ ಭಕುತಿಲಿ ಹನುಮಂತ ll

✍️. ಬಿ ಉದನೇಶ್ವರ ಪ್ರಸಾದ್ ಮೂಲಡ್ಕ