ಭಕ್ತಿಗೀತೆ :
ವಿಷಯ : ಕಾರ್ತಿಕ ಮಾಸ
ಶೀರ್ಷಿಕೆ : ಶ್ರೀ ಷಣ್ಮುಖ
*****************
ಕಾರ್ತಿಕ ಮಾಸದ ಕಾರ್ತಿಕ ಪೂಜೆಯು
ಶ್ರೀ ಸುಬ್ರಹ್ಮಣ್ಯ ದೇವರಿಗೆ
ಕತ್ತಲೆ ಕಳೆದು ಬೆಳನು ನೀಡುವ
ನಾಗದೇವನೆ ಕಾರ್ತಿಕೇಯನೆ ll

ಅನುನದಿ ದೀಪವ ಬೆಳಗಿಸಿ ಭಕ್ತಿಭಾವದಿ
ದೇವರ ಪಾದಕೆ ನಮಿಸೋಣ
ಮಕ್ಕಳಿಗೆಲ್ಲ ಸಿಹಿಯನು ಹಂಚುತ ಗುರು
ಹಿರಿಯರ ನಿತ್ಯವು ನೆನೆಯೋಣ ll

ಸಾಲು ದೀಪವ ಬೆಳಗಿಸಿ ದೀಪಾವಳಿ
ಹಬ್ಬವ ಎಲ್ಲರು ಸೇರಿ ಆಚರಿಸೋಣ
ಹಿಂದಿನ ಕಹಿಯನು ಮರೆತು ಸ್ನೇಹದಿ
ಮುಂದಿನ ದಿನದಲಿ ಬಾಳೋಣ ll

ಪಾರ್ವತಿ ತನಯ ಮಯೂರ ವಾಹನ
ಕುಮಾರ ಸುಬ್ರಹ್ಮಣ್ಯನೆ
ಭಕ್ತಿಗೆ ಒಲಿದು ಭಕುತರ ರಕ್ಷಿಪ
ಗಣಪತಿ ಸೋದರ ಷಣ್ಮುಖನೆ ll

✍️ ಬಿ. ಉದನೇಶ್ವರ ಪ್ರಸಾದ್ ಮೂಲಡ್ಕ