ಸ್ತ್ರೀ ಕುಲ ಮೂರ್ತಿ

ತಾಳ್ಮೆ ವಿನಯ ವಿದ್ಯಾ ಮೂರ್ತಿ
ಸ್ತ್ರೀ ಕುಲಕೆ ಶ್ರೇಷ್ಠತೆ ಕೀರ್ತಿ
ಹಲವು ಗಣ್ಯರ ನಡುವೆ ಮಂಗಳಾರತಿ
ಧನ್ಯೆ ಹೆತ್ತ ತಾಯಿ ಭಾರತಿ

ಈಕೆಯೇ ಗಟ್ಟಿಗಿತ್ತಿ ಮೊದಲ ಶಿಕ್ಷಕಿ
ಸಾವಿತ್ರಿ ಭಾಯಿ ಫುಲೆ ನಾಯಕಿ
ವಿದ್ಯೆ ಕಲಿತು ಕಲಿಸಿದ ಸೇವಕಿ
ಪತಿಯ ಆಸೆಯ ಈಡೇರಿಸಿದಳು ಈಕಿ

ನಕ್ಕರು ಹೊಡೆದರು ಸಗಣಿಯೆರಚಿ ಅವಮಾನಿಸಿದರು
ಬೈದರು ಹೆಣ್ಣಿಗೇಕೆ ಶಿಕ್ಷಣ ಎಂದರು
ಸ್ತ್ರೀ ಸ್ವಾಭಿಮಾನಕೆ ಪೆಟ್ಟು
ಕೊಟ್ಟರು
ಶಾಲಾ ಶಿಕ್ಷಣ ಹೆಣ್ಣಿಗೇಕೆ
ಮೂಗುಮುರಿದರು

ಜ್ಯೋತಿರಾವ್ ಫುಲೆಯ ಸಹಾಯ
ಸಹಕಾರವಿತ್ತು
ಇಬ್ಬರ ಯೋಚನೆ ಒಂದೇ ಇತ್ತು
ಸ್ತ್ರೀ ಕುಲ ಏಳ್ಗೆಯ ಕನಸಿತ್ತು
ಭಾರತ ಜನತೆಯ ಉದ್ಧಾರಕೆ ಮನಸಿತ್ತು

ಸತಾರಾ ಬಾಲಕಿ ಕತೆಯದು ಪುಳಕ
ಹೆಣ್ಣಿನ ಸಾರ್ಥಕ ಬದುಕಿನ ದ್ಯೋತಕ
ಆದರ್ಶ ಜೀವಿಯು ಎಲ್ಲರ ಚೇತಕ
ಮಹಿಳಾಮಣಿಗಳ ಉತ್ತುಂಗದ
ಏಳ್ಗೆಗೆ ಪ್ರೇರಕ

– ಕಲ್ಪನಾ ಅರುಣ, ಶಿಕ್ಷಕಿ, ಬೆಂಗಳೂರು