ದಿನಾಂಕ 29 -8 -2024 ರಂದು ಶುಭ ಸಂಜೆಯಲ್ಲಿ ಶ್ರೇಷ್ಠ ಗುರುಗಳು ಹಾಗೂ ಆದರ್ಶ ಶಿಕ್ಷಕರಾಗಿದ್ದ ದಿ, ಶ್ರೀ ಚಂದ್ರಭಟ್ಟ ಜೋಷಿಯವರ ಸ್ಮರಣಾರ್ಥವಾಗಿ ಕೆಂಭಾವಿಯಲ್ಲಿ ಜೋಷಿ ಸಾಹಿತ್ಯ ವೇದಿಕೆ ವತಿಯಿಂದ ಸಾಹಿತ್ಯ ಹಾಗೂ ಶೈಕ್ಷಣಿಕ ಸೇವೆಗಾಗಿ ಅವರ ಶಿಷ್ಯನಾದ ಶ್ರೀಯುತ ನಿಂಗಣಗೌಡ ದೇಸಾಯಿ ಅವರಿಗೆ “ಜ್ಞಾನಚಂದ್ರ ಪ್ರಶಸ್ತಿ” ನೀಡಿ ಜೋಶಿ ಕುಟುಂಬದ ಸರ್ವಸದಸ್ಯರು ಸನ್ಮಾನಿಸಿ ಗೌರವಿಸಿದರು. ಈ ಸಂದರ್ಭದಲ್ಲಿ ಕೆಂಭಾವಿಯ ಹಿರಿಯ ಗಣ್ಯರಾದ ಶ್ರೀ ವಾಮನ ರಾವ್ ದೇಶಪಾಂಡೆಯವರು, ಕೂಡಲಗಿಯ ಶ್ರೀ ಗಣಪತಿ ಮಹಾರಾಜರು ಹಾಗೂ ಶ್ರೀಪಾದಭಟ್ಟರು ಮತ್ತು ಶ್ರೀ ವಲ್ಲಭಭಟ್ಟರು ಹಾಗೂ ಶ್ರೀ ಗುಂಡಭಟ್ಟಜೋಶಿ ರವರು ಉಪಸ್ಥಿತರಿದ್ದರು, ನಿಂಗಣಗೌಡ ದೇಸಾಯಿ ಅವರ ಅಳಿಲು ಸೇವೆಯನ್ನು ಗುರುತಿಸಿ ಪ್ರಶಸ್ತಿ ನೀಡಿ ಗೌರವಿಸಿದರು. ದೇಸಾಯಿ ಅವರು ಜೋಶಿ ಕುಟುಂಬದ ಎಲ್ಲಾ ಪರಿವಾರದವರಿಗೂ ಅನಂತ ವಂದನೆಗಳನ್ನು ಹಾಗೂ ಸಮಾರಂಭದಲ್ಲಿ ಭಾಗವಹಿಸಿ ಪ್ರೋತ್ಸಾಹ ನೀಡಿದ ಎಲ್ಲಾ ಹಿರಿಯರಿಗೂ, ಹಿತೈಷಿಗಳಿಗೂ, ವರದಿಗಾರ ಮಿತ್ರರಿಗೂ ಧನ್ಯವಾದಗಳನ್ನು ತಿಳಿಸಿದ್ದಾರೆ.