ಬಡವರ ಬಂಧು ಅರಣ್ಯ ಸಂರಕ್ಷಣ  ಪಡೆಯ ಅಧ್ಯಕ್ಷ,
ಪರಿಸರ ಪ್ರೇಮಿ ಪರಮೇಶ್ವರಿಗೆ ಜಯವಾಗಲಿ,
ಪರಿಸರ ಪ್ರೇಮಿ ಪರಮೇಶ್ವರಿಗೆ ಜಯವಾಗಲಿ
ಎಂದು ಶಬ್ದ ಬಂದ ಕಡೆಗೆ ತಿರುಗಿ ನೋಡಿದ ರಾಜಪ್ಪ.
ಹಾರ ತುರಾಯಿ ಹಾಕಿಕೊಂಡು,
ಅಬ್ಬರದ ಪಟಾಕಿ ಶಬ್ದದೊಂದಿಗೆ ಡೊಳ್ಳಿನ ಮೆರವಣಿಗೆಯಲ್ಲಿ
ತೆರೆದ ಜೀಪಿನಲ್ಲಿ ಜನರತ್ತ ಕೈ ಬೀಸುತ್ತಾ ಹೋಗುತ್ತಿದ್ದ,..
ಪರಮೇಶನನ್ನು ,, ಕಂಡ..

ಪ್ರಾಮಾಣಿಕ ನಿವೃತ್ತ ಅರಣ್ಯ ಅಧಿಕಾರಿ ರಾಜಪ್ಪ,ತಾನು ಅಧಿಕಾರದಲ್ಲಿ ಇದ್ದಾಗ ಬಂಧಿಸಿದ.
ಮರಗಳ್ಳ ಪರಮೇಶನ, ವೈಬೋಗವನ್ನು ಕಣ್ಣು ತುಂಬಾ ಕಂಡು
ಕಲಿಯುಗದ ಮಹಿಮೆಗೆ ನಮಸ್ಕರಿಸುತ್ತಾ, ತನ್ನ ಪಂಚರ್ ಅದ ಸೈಕಲ್ ಅನ್ನು ತಳ್ಳಿಕೊಂಡು ಸೈಕಲ್ ಶಾಪಿನತ್ತ ಹೊರಟ…….

– ರಾಘವೇಂದ್ರ ಸಿಂತ್ರೇ
ರಾಜ್ ಕಮಲ್, ಸಿರ್ಸಿ